ރާއްޖޭގެ 16 އަތޮޅަކަށް ޓްރާންސްޕޯޓް ނެޓްވޯކަކުން ގުޅާލުމަށް މޯލްޑިވްސް ޓްރާންސްޕޯޓް ކޮންޓްރެކްޓިން ކޮމްޕެނީ) އެމްޓީސީސީ( ން ކުރަމުންދާ މަސައްކަތުގެ ދަށުން ލ.އަތޮޅުގައި ބަސްދަތުރުތައް ފެށުމުގެ ގޮތުން 2 ބަސް ރާއްޖެ ގެނެސްފިކަމަށް އެކުންފުނިން ބުނެފި އެވެ.

އެމް.ޓީ.ސީ.ސީގެ މެނޭޖަރ އަޙްމަދު ޒަކީ ވިދާޅުވީ ލ.އަތޮޅުގައި އެއްގަމު ދަތުރުތައް ފެށުމުގެ ގޮތުން އެމް.ޓީ.ސީ.ސީން 2 ބަސް މާލެ ގެނެސްފައި ވާކަމަށާއި އެއީ 50 ފަސިންޖަރުން އުފުލޭބެ ދެބަސް ކަމަށެވެ.

” އަޅުގަނޑުމެން ދަތުރުތައް ފެށުމަށް ހަމަޖައްސާފައިވަނީ އަންނަ މަހު. މިހާރު ކުރަމުންމިދަނީ ޓިކެޓްގެ އަގުތައް ހެދުމާއި ބަސް ސްޓޮޕްތައް ހެދުމުގެ މަސައްކަތް.“ ޒަކީ ވިދާޅުވިއެވެ.

އެމް.ޓީ.ސީ.ސީން މިގެނައި ދެބަހަކީ ކުރިން ރާއްޖޭގެ ކުންފުންޏަކުން ރާއްޖެ ގެނެސްފައިވާ 2 ބަހެވެ. އަދި އެމް.ޓީ.ސީ.ސީން ކުރިއަށް ގެންދާ ޓްރާންސްޕޯޓް ވިއުގައިން ރާއްޖޭގެ އަތޮޅުތަކުން ގުޅައިލުމަށް ކުރިއަށް ގެންދާ ޕްރޮޖެކްޓަކީ 60 މިލިއަން ރުފިޔާގެ ޕްރޮޖެކްޓެކެވެ.