އެމީހުންނަށް ހައްގުއަދަބު ދެވެންޖެހޭނެ

އާ އުސްމިންތަކުގައި ކުޑަކުދިން ސިޔާސީ ވެގެން އުޅޭނަމަ ކަނޑައެޅިފައިވާ އަދަބަކީ މިއެވެ. ނަސބަކުން އަޅުގަނޑުމެންނަށް މިތިބީ އަނެއްރާއްޖެއަށް އާދެވިފައެވެ. އަންނިގެ ފަރާތުން މިހާރު ރައްޔިތުން އެދެނީ އިންޞާފާއި އަމަން ޢާއްމެވެ. ޕާޓޭންތައް މައިތިރި ކޮށް މަގުތައް އަމާން ކުރުމެވެ. ކުށްކުރާމީހުންނަށް އަދަބު ތަންފީޒް ކުރެވޭ ގޮތްވުމެވެ. މިފަދަ މާރާމާރީ ހިންގާމީހުންނަށް ޖަލުގެ ހިޔާވަހިކަން ރައްޔިތުންގެ ޚަރަދުގައި ދިނުމުގެ ބަދަލުގައި އެމީހުން އިސްލާމީ ޝަރީޢާގައިވާ އަދަބު ދިނުމެވެ. ނުވަތަ ދުނިޔަވީ ޤާނޫނުގައި ބުނާފަދައިން ބުރަ މަސައްކަތާއި އެކު މުޅި ޢުމުރު ޖަލުގައި ބޭއްތިއްބުމެވެ. މައުމޫނު ބުނިފަދައިން ޙައްދު ތަންފީޛް ކުރުމުން މީހުން ނުރުހުންވާނެކަމަށް އަންނި ދެކިއްޖެ ނަމަ މައުމޫނަށް ޖެހިފައިވާ ޙާލު ވަރަށް ކައިރިން މިއޮތީ ފެންނާށެވެ.އެވަރު ވިސްނުންތެރިން ޢިބްރަތް ލިބިގަތުމަށް ފުދެއެވެ.

ކުށްކުރާ ފަރާތްތަކަށް އަހަރެމެންގެ އޮށްދާހިއްލައިގެން ކުރާ މަސައްކަތުން ނަގާ ޓެކްސްއިން (ބައިތުލް މާލުން) ޚަރަދު ނުކުރުމަށް އައު ސަރުކާރަށް ގޮވާލަމެވެ. ޖަލުގައި ބައިތިއްބާއިތު ޞިނާޢީ މަސައްކަތް ކޮށް އެތަނުގައި ބަންދު ކުރެވިފައި ތިބޭމީހުންގެ ޚަރަދު އެތަނުން ނެރުމަށާއި،މީގެ ކުރިން މައުމޫނު މިކުށްކުރާމީހުން ރޮޓޭޓްވާގޮތަށް މުޖްތަމަޢަށް ނުނެރުމަށް ގޮވާލަމެވެ. އެހެނީ މަސްތުވާތަކެތި ބޭނުން ކުރާމީކަށް ދުވާލަކަށް އެން އެންސީބީއިން ބޮލަކަށް 750 ރުފިޔާގެ މަގުން ޚަރަދުކޮށް ޢުމުރަށް ނުވަތަ އެއަށްވުރެ ގިނަދުވަސްތަކަށް ޤާނޫނުގެ ދަށުން އަދަބު ދެވިފައިވަނިކޮށް ނެރެ 2 ވަނަ ފަހަރަކަށް އެމީހުންލައްވާ ކުށް ކުރުވަމުން މީގެ ކުރިން ވަނީ ގެންދެވިފައެވެ. ދައުލަތުގެ މަތީ ޑިރެކްޓަރ ލެވެލްގެ މީހަކަށް ވެސް ދުވާލަކަށް 750 ރުފިޔާ ނުލިބެއެވެ.ވީމާ ރައްޔިތުންގެ މަޖްލިހުން ހަދާފައިވާ ޤާނޫނެއްގެ ދަށުން އަދަބު ދެވޭ ވަކިބަޔަކަށް މަޢާފް ދެވޭގޮތް މިއޮންނަނީ ދައުލަތުގެ އެހެން މުއައްސަސާއަކުން ޤާއިމްކޮށްފައެވެ.ފަރުވާދޭން ޖެހޭމީހުންނަށް ފަރުވާދޭންވާނީ އަދަބާއި އެކުގައެވެ. އޭގެ ބަދަލުގައި މުޖްތަޢު ފަސާދަ ކުރާނީއެއް ނޫނެވެ.

އެމަރުޙޫމަށް ސުވަރުގޭގެ ދާއިމީނިއުމަތްދެއްވުންއެދި ﷲގެޙަޒްރަތުގައި ދުޢާދަންނަވަން! ޤާތިލުންނަށް ޙައްޤުއަދަބުދެއްވުމަށް ސަރުކާރަށްގޮވާލަން!